Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 44.10 | Dem. 44.13 (English) | >>Dem. 44.16 |
44.12περὶ μὲν οὖν ταύτης τῆς ποιήσεως , ὃν τρόπον ἔχει , σαφῶς ὑμᾶς ὕστερον διδάξομεν · περὶ δὲ τοῦ γένους , ὡς οὐκ εἰσὶν ἡμῶν ἐγγυτέρω , τοῦτο δεῖ μαθεῖν ὑμᾶς . ἓν μὲν οὖν ὁμολογεῖται , τὸ κρατεῖν τῶν κληρονόμων τοὺς ἄρρενας καὶ τοὺς ἐκ τῶν ἀρρένων · ἁπλῶς γὰρ τοῖς ἐγγυτάτω πρὸς ἀνδρῶν , ὅταν μὴ παῖδες ὦσιν , ὁ νόμος τὰς κληρονομίας ἀποδίδωσιν . οὗτοι δʼ ἐσμὲν ἡμεῖς · ἄπαις μὲν γὰρ ὁ Ἀρχιάδης ὁμολογεῖται τετελευτηκέναι , τούτῳ δὲ πρὸς ἀνδρῶν ἡμεῖς ἐσμεν ἐγγυτάτω .
44.13πρὸς δὲ καὶ ἐκ γυναικῶν οἱ αὐτοὶ οὗτοι · ὁ γὰρ Μειδυλίδης ἀδελφὸς ἦν τοῦ Ἀρχιάδου , τοῦ δὲ Μειδυλίδου θυγάτηρ ἡ τοῦ ἐμοῦ πατρὸς μήτηρ , ὥστε γίγνεται Ἀρχιάδης , ὑπὲρ οὗ τοῦ κλήρου τὴν ἐπιδικασίαν ποιούμεθα νυνί , θεῖος τῇ τοῦ πατρὸς τοῦ ἐμοῦ μητρὶ ἐκ πατραδέλφων , πρὸς ἀνδρῶν ἔχων τὴν συγγένειαν ταύτην καὶ οὐ πρὸς γυναικῶν . Λεώστρατος δʼ οὑτοσὶ γένει τε ἀπωτέρω ἐστὶν καὶ πρὸς γυναικῶν οἰκεῖος Ἀρχιάδῃ · ἡ γὰρ τοῦ Λεωκράτους μήτηρ τοῦ τούτου πατρὸς ἀδελφιδῆ ἦν τῷ Ἀρχιάδῃ ἐκείνῳ καὶ τῷ Μειδυλίδῃ , ἀφʼ ὧν ἡμεῖς ὄντες ἀξιοῦμεν τῆς κληρονομίας τυχεῖν .
πρῶτον μὲν οὖν , ὦ ἄνδρες δικασταί , τὸ γένος ἡμῶν ὅτι οὕτως ἔχει ὥσπερ καὶ λέγομεν , ἀναγνώσεται ὑμῖν τὰς μαρτυρίας , ἔπειτα μετὰ ταῦτα τὸν νόμον αὐτὸν <τὸν > τοῖς τε γένεσι καὶ τοῖς ἐγγυτάτω πρὸς ἀνδρῶν τὰς κληρονομίας ἀποδιδόντα · τὰ γὰρ κεφάλαια τοῦ ἀγῶνος , καὶ ὑπὲρ ὧν ὀμωμοκότες οἴσετε τὴν ψῆφον , σχεδόν τι ταῦτʼ ἔστιν . καί μοι κάλει τούς τε μάρτυρας δευρὶ καὶ τὸν νόμον ἀναγίγνωσκε .
44.14
Μάρτυρες
Νόμος
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 44.10 | Dem. 44.13 (English) | >>Dem. 44.16 |